10101

首先感谢黑仔贤整部AUDI我揸，同时希望黑仔贤感谢我，无将部AUDI俾其他人揸！

无无聊聊跟左班傻人去左从化，带上smap同toppy两个傻人，结果我全日都对住一班傻人。
浩浩荡荡开车入到流溪河森林公园，觉得真系好荒芜，而且有落雨。唉，D咁健康既活动始终唔太适合我。
搭上水库之船分别踏上孔雀岛及马骝岛，无聊，偶尔见到有人俾马骝偷袭既时候稍微有一丝快意！

中午用餐之时发生极为离奇之一幕，同行另外两车在一条荒无人烟的路上发生摩擦，而且车辆在路上的位置极不正常，所以先有本文既第一句。

全日觉得最丰富既就系两餐饭，泥焗鸡同埋太和烧鸡都唔错，值得回味。smap果个白痴居然食鸡食到唔出声。（最贱格就系老斌居然厚住面皮唔埋单！以后唔好叫距出黎！）

故事去到我屋企打机就进入尾声啦，一班人系度打wii，唔知打到几点，反正我就训左教，无眼屎干净盲。。。。。

4：30A.M.先摊落床

9：00A.M.就起身去搞年审，搞完又同阿妈去黄边执屋->天河北食饭->超市买野->翻麓景路屋企->再去旧机场年审处->新市车管所->最后5：00P.M.左右翻到屋企，癫了

仲要俾只臭狗整损左只脚！！咁又一日，唉。。。

罪魁祸首：

发自某patpat星人，绝对写实！

申请左maxyu.net呢个域名，将距解析到美国既空间，再搭配埋WordPress呢个古怪野，真系咩情况都出现晒。

如果有朋友遇到呢方面既问题可以即管同我联系。

呢个blog系我maxyu.net旗下既第一个网站，希望越黎越多，希望银纸越黎越多！！！！！！

如题!!

今日一支公走左过黎香港，途经深圳罗湖火车站，见到若干傻佬揸住玫瑰等人，可见呢D人积极响应政府号召拉动内需，精神可嘉。坐紧东铁先发现香港99枝玫瑰售价3880大圆，10几枝都要卖1280，真系十分好意头，D花店真系发啦。希望D买左花既朋友可以氹到女朋友开开心心。

祝各位拉动内需的朋友情人节快乐，我呢D小投资者就要靠你地多多支持啦。