从化游荡
首先感谢黑仔贤整部AUDI我揸，同时希望黑仔贤感谢我，无将部AUDI俾其他人揸！
无无聊聊跟左班傻人去左从化，带上smap同toppy两个傻人，结果我全日都对住一班傻人。
浩浩荡荡开车入到流溪河森林公园，觉得真系好荒芜，而且有落雨。唉，D咁健康既活动始终唔太适合我。
搭上水库之船分别踏上孔雀岛及马骝岛，无聊，偶尔见到有人俾马骝偷袭既时候稍微有一丝快意！
中午用餐之时发生极为离奇之一幕，同行另外两车在一条荒无人烟的路上发生摩擦，而且车辆在路上的位置极不正常，所以先有本文既第一句。
全日觉得最丰富既就系两餐饭，泥焗鸡同埋太和烧鸡都唔错，值得回味。smap果个白痴居然食鸡食到唔出声。（最贱格就系老斌居然厚住面皮唔埋单！以后唔好叫距出黎！）
故事去到我屋企打机就进入尾声啦，一班人系度打wii，唔知打到几点，反正我就训左教，无眼屎干净盲。。。。。
分类: 是但噏
为食！
居然全日唯一令你动容的……系有人俾马骝袭击……真系黑心不改～不负“人渣”盛名啊你～